 |
| දීපාල් අත්තනායක |
ර‍ටේ ලෙඩුන් සුවපත් කරන අපේ ගෙමි ස්නායු ශෛල්‍ය වෛද්‍ය විශේෂඥ වෛද්‍ය වරයා
ශි‍්‍ර ලංකාවේ සෞඛ්‍ය ක්‍ෂේත‍්‍රයේ විශේෂඟ ස්නායු ශෛල්‍ය වෛද්‍ය වරුන් අතරින් ප‍්‍රමුඛ නාමයක් දිනා ගන්නට දීපාල් කුමාර අත්තනායක වෛද්‍යතුමන් සමත් වී ඇත. වර්තමානයේ අනුරාධපුර ශික්‍ෂණ රෝහලේ සේවය කරන අත්තනායක මහතා සිය වෛද්‍ය වෘත්තිය ආරමිභ කළේ 1992 ඔක්තෝම්බර් මාසයේදීය. සිවිල් යුද්ධය දරුණු ලෙස පැවති 1992, 93 යන වසර වලදී ඔහු රට වෙනුනේ යුධ කරන හමුදා සෙබළුන්ගේ සෞඛ්‍ය සඳහා හමුදා රෝහලේ රාජකාරි කලේය.
ඉන් අනතුරුව කොළඹ ශෛල්‍ය වෛද්‍ය අංශයේ වසර 10 පමණක කාලයක් සේවය කළ අප කථා නායකයා, කුරුණෑගල, බදුල්ල, මීගමුව, කුලියාපිටිය සහ නුවර යන රෝහල්වල සේවය කොට අත්දැකීමි රැසක් ලබා ඇති වෛද්‍ය වරයෙකි.
දීපාල් අත්තනායක වෛද්‍යවරයා 2008, 2009 යන වසර වලදී ඔස්ටේ‍්‍රලියාවේ මෙල්බන් නුවර ඇල්ෆඩි රෝහලේ ශෛල්‍ය වෛද්‍යවරයෙකු ලෙස පුහුණුවක් ලබා ගැනීම මෙරට ජනතාවගේ භාග්‍යයකි. මීට අමතරව තම වෘත්තීය ජිවිතය ඉදිරි ගමන වෙනුවෙන් ජපානය, ඉන්දියාව, සිංගප්පූරුව හා ස්විස්ටර්ලන්තය වැනි රටවල විවිධ පුහුණු ලබා ගන්නට අත්තනායක මහතාට හැකිවී තිෙබි. රාජ්‍ය විශේෂඥ ශෛල්‍ය වෛද්‍යවරයෙකු ලෙස විශාල රෝගීන් ප‍්‍රමාණයක් සුවපත් කළ අපේ ගෙමි වෛද්‍ය වරයා පෞද්ගලික රෝහල් වල රෝගීන් වෙනුවෙන් සිය සේවාව පුළුල් කර තිබේ. එ් අනුව කොළඹ ආසිරි, ඩර්ඩන්ස්, නවලෝක, සෙන්ට‍්‍රල් ආදී රෝහල් වල මෙන්ම දිවයිනේ බෝහෝ ප‍්‍රදේශ වල පෞද්ගලික රෝහල් සඳහාද අත්‍යවශ්‍ය වෛද්‍යවරයෙක් බවට පත්වී තිබීම වේවැල්දූවේ ගම්වාසීන් ලෙස අපට ආඩම්බරයකි. මේ විශේෂිත පුද්ගලයා ගොඩනැෙ`ගන්නේ කෙසේද එය අහමිබයක් නොෙවි. ඔහු උපදින්නේ වේවැල්දූවේ අංක 203 නිවසේ පවුලේ තුන්වැනි පිරිමි දරුවා ලෙසිනි. ඉතාමත් ගුණගරුක දෙමාපියන් හා සහෝදරයන්ගෙන් සමන්විත අත්තනායක පවුල හැමදාමත් ගමේ විහාරස්ථානය සමඟ ඉතා ළඟින් ඇසුරු කළෝ වූහ. වර්තමානයේ සුචරිතෝදය දහම් පාසල එදා හැඳින්වූයේ ශ‍්‍රි නාගරුක්ඛාරාම දහම් පාසල යනුවෙනි. මේ දහම් පාසලේ දීප්තිමත් ශිෂ්‍යයකු වු දීපාල් කුමාර අත්තනායක දහම් පාසල් අධ්‍යාපන විභාගයන් හි ධර්මාචාර්යය විභාගය සමත් ගමේ සිටි කිහිප දෙනා අතරින් කෙනෙකි. පාසැල් අධ්‍යාපනයට සමගාමීව දහම් අධ්‍යාපනය ඉතා මැනවින් ප‍්‍රගුණ කළ අත්තනායක ශිෂ්‍යා දහම් පාසලේ කථික, විවාද තරග වලදී කැපී පෙනෙන භුමිකාවක් නිරූපණය කළේය. දහම් පාසැල් අධ්‍යාපනය ඉතා ඉහළින් හමාර කළ අත්තනායක තරුණයා තමා උගත් දේ් අනාගත පරපුරට උරුම කරන්නට දහම් පාසලේම ගුරුවරයෙක් ලෙස සේවය කළේය. වසර 10 ක් පමණ ගුරුවරයෙක් ලෙස කටයුතු කළ අත්තනායක මහතා ඉතා කෙටි කලක් දහම් පාසලේ ප‍්‍රධානාචාර්යවරයා ලෙසද කටයුතු කිරීම ඔහුගේ සේවාවේ අනගි අවස්ථාවකි.
දීපාල් අත්තනායක මහතාගේ තරුණ අවධිය විවිධ බාහිර ක‍්‍රියාකාරකම් ඔස්සේ පරිණත තත්වයට පත් වන්නේය. ළමා කළ වේවැල්දූව මිහිඳු ළමා සමිතියේ ක‍්‍රියාකාර සාමාජිකයෙකු වූ ඔහු තරුණ අවධියේදී ප‍්‍රගති සමාජසේවා යෞවන සමාජයේ ක‍්‍රියාකාරිකයෙකු බවට පත් වෙයි. වේවැල්දූව අන්‍යෝන්‍ය අවමංගල්‍යාධාර සමිතියේ සමාජිකයෙකු ලෙසද ඔහු ගේ සේවාව ලබා දී තිබේ. මීට අමතරව ගමේ ක‍්‍රිඩා සමාජ වල සමාජිකත්වය ලබා තම හැකියාවන් විවිධ ක්‍ෂේත‍්‍ර වල විහිදී ඇති අකාරය පෙන්නුම් කළේය. තවත් අවස්ථාවක දහමි පාසල් අධ්‍යාපනය හා පාසල් අධ්‍යාපනය අවසන් කල අත්තනායක තරුණයා සම කාලීන බුද්ධිමත් තරුණ කණ්ඩායමක් සමඟ අධ්‍යාපන පිපාසාවෙන් පෙලෙන ගමේ දුප්පත් දූ දරුවන් උදෙසා තම දැනුම ලබා දෙන්නට නොමිලේ උපකාරක පන්ති මාලාවක් ආරම්භ කරන්නේය. එය පෞද්ගලික උපකාරක පන්ති හතු ලෙස පිපී ගෙන එන වකවානුවකි. එදා තම ගමට ඔහු සේවය කළේ එ් අකාරයෙනි. එහෙත් කෙදිනකවත් මෙතුමා කිසිවක් ආපසු අපේක්‍ෂා කළේ නැත.
කැළණිය ගුරුකුල විද්‍යාලයෙන් මූලික අධ්‍යාපනය ලැබු දීපාල් අත්තනායක මහතා උසස් අධ්‍යාපනය සඳහා කොළඹ වෛද්‍ය විද්‍යාලයට ඇතුලත් විය. ගුරුකුලයේ දක්‍ෂ ශිෂ්‍යයෙකුව සිටි අත්තනායක විද්‍යාලයීය ශිෂ්‍ය නායකයෙකුද වේ. ගුරුකුලයේ ආදි ශිෂ්‍යයෙකු ලෙස කීර්තිමත් පුරවැසියෙකු බවට පත්ව රටට දැයට කරනු ලබන සේවාව වෙනුවෙන් 2010 වර්ෂයේ දී දීපාල් කුමාර අත්තනායක විශේෂඥ ස්නායු ශෛල්‍ය වෛද්‍යවරයා ගුරුකුල රත්න විභූෂණ සම්මානයෙන්ද පිදුමි ලබන්නේය.
වේවැල්දූව ගම් පියසේ ඉපිද, නාරුක් අරමේ සෙවන ලැබ සුවහසක් ගිලනුන් සුවපත් කරන අත්තනායක වෛද්‍යතුමා තවමත් තමා හැදී වැඩුනු ගම, විහාරස්ථානය ගම්වාසීන් හො`දින් ඇසුරු කරන්නෙක්, කළගුණ සලකන්නෙක් ලෙස සටීම අප හැම දෙනාගේම භාග්‍යයකි.
පාලිත කේ. විජේසිංහ
නො. 125/3
